Blog del grup de recerca Tradumàtica

Blog del grup de recerca Tradumàtica sobre tecnologies de la traducció

març 29 2017

Proa Tradumàtix dae su USB

Posted in General |

Proa Tradumàtix dae su USB

Adrià Martín-Mor

Tradumàtix est unu sistema operativu fatu pro tradutores. Tenet medas programmas pro sa tradutzione (OmegaT, Heartsome), pro sa localizatzione (Virtaal), sa sutatitolatzione (Aegisub) e pro sa gestione e sa preparatzione de progetos (TMX Editor, Okapi Framework), etc.

Sa manera prus fàtzile de lu proare est installende·lu in unu dispositivu USB, in manera chi potzat èssere impreadu dae cale si siat elaboradore sena modificare sos programmas chi giai bi sunt. Serbint tres cosas:

  • Unu dispositivu USB. Prus GB de capatzidade tèngiat, mègius; cun 2 GB giai faghet, però cussigiamus a su nessi 4 GB.
  • Un’archìviu cun totu s’informatzione de su sistema operativu. Iscarrigade·lu dae inoghe: serim-web.uab.cat/tradumatix (seberade s’archìviu .iso prus reghente).
  • Unu programma pro fàghere s’installatzione. Cussigiamus UNetbootin, ca est unu programma lìberu e multiprataforma.

Iscarrigade UNetbootin e seberade s’archìviu .iso chi ais iscarrigadu, comente ammustrat custa catura:

unetbootin

Comente si bidet in sa catura, seberade s’optzione “Immagine disco” e incarcade sos puntigheddos de suspensione pro nche abèrrere unu navigadore de archìvios pro seberare s’archìviu .iso. S’optzione “Spazio riservato per i file utente che verrano protetti dai vari riavvii (solo Ubuntu)” permitit de sarbare archìvios in su USB. Cumproade, a sa fine, chi ais seberadu Unità USB e chi s’unidade est cussa giusta pro nch’installare su sistema operativu. Incarcade OK.

Su protzessu de installatzione pro tardare meda. In s’ìnteri, leghide su giassu web de UNetbootin, mescamente sa parte dedicada a sa càrriga de su sistema operativu dae su USB in s’elaboradore. Narat: “If you used the “USB Drive” install mode: After rebooting, boot from the USB drive. On PCs, this usually involves pressing a button such as Esc or F12 immediately after you turn on your computer, while on Macs, you should hold the Option key before OSX boots.”

Tutorial: https://www.youtube.com/watch?v=pfIU6RL_OhQ


This entry was posted on dimecres, 29 març, 2017 at 8:20 and is filed under General. You can follow any responses to this entry through the feed. You can leave a response, or trackback from your own site.

Deixa un comentari

Si us plau, demostra que no ets un robot * Time limit is exhausted. Please reload the CAPTCHA.